Yulduz Usmonova - Askar ota

Biz seni oz ko`rsak ham,

Onamla sog`insak ham,

Ayt, sen ham sezasanmi,

Seni duo qilamiz?



Singillarim yonimda,

Ular mening borim-da.

Sening o`rning boshqadir,

Biz sog`inib kutamiz.



Yurtning sarboni sog`dir,

Tinchligimiz omondir.

Sen va senday askarlar

Boru-joni fidodir.



Beayb Parvardigordir,

Har kimda bir ayb bordir.

Lek eng kerak hayotda

Vafoli fidokordir.



Tanimagan tanisin-ey –

Sen eng yaxshi odamsan. (x2)



Vatan ikkita bo`larmi?

Ona suti suv bolarmi?

O`zga yurtdan kelganlar-ey

Bizga duo qilarmi?



Mening askar otamsan,

Iymoni but odamsan.

Tanimagan tanisin-ey –

Sen eng yaxshi insonsan.



Tanimagan tanisin-ey –

Sen eng yaxshi insonsan.

Tanimagan tanisin-ey –

G`ururimsan, otamsan.



Biz seni oz ko`rsak ham,

Onamla sog`insak ham,

Ayt, ota sezasanmi,

Seni duo qilamiz?



Singillarim yonimda,

Ular mening borim-da.

Sening o`rning boshqadir-ey,

Biz sog`inib kutamiz.



Sening o`rning boshqadir,

Biz sog`inib kutamiz. (x2)

Biz sog`inib kutamiz-ey,

Biz sog`inib kutamiz.