Yulduz Turdiyeva - Dugonalar

Soy bo`yida bor edi bir majnuntol,

Soyasida o`tirardik bemalol. (x2)

O`sma qo`yib, surma surib va yana

Yuzimizga qo`yar edik bitta xol.



Yodingdami o`shal damlar, dugonajon?

Yoshlik qaytib kelmas ekanda hech qachon. (x2)



Ariq bo`yidan yalpiz terar edik,

Yalpiz bahona o`ynab-kular edik. (x2)

O`ynab-kulib, qo`shiq aytib va yana

Doira chalib, raqsga tushar edik.



Yodingdami o`shal damlar, dugonajon?

Yoshlik qaytib kelmas ekanda hech qachon. (x2)



Uzun sochlarimizni yuvib-tarab,

O`rib olardik mayda-yu, maydalab. (x2)

Sochimizga pilik ulab va yana

Tol popugin ular edik ataylab.



Yodingdami o`shal damlar, dugonajon?

Yoshlik qaytib kelmas ekanda hech qachon. (x3)